المقادير :
فروج بلدي ( يمكن نستعملو حتى الدجاج الرومي )
شعرية الصينية
بطاطس
سكنجبير طري محكوك
ثوم محكوك
زعفران شعرة
ورق الرند
قزبر مقطع
معدنوس مقطع
سمن
زيت الزيتون
ملح
إبزار
خرقوم
سكنجبير
موتارد
طريقة التحضير :
نشرمل الفروج بالثوم و السكنجبير طري و موتارد زعفران شعرة و الإبزار و سكنجبير و الخرقوم و ورقة الرند ومعدنوس و قزبور مقطعين و سمن و نخليهم ليلة كاملة في الثلاجة
في الغد نرطب الشعرية الصينية في الماء الساخن و نذهنها بزيت العود
و نشرملها بنفس الشرمولة لي شرملنا بها فروج و نعمربها الفروج
نقشر البطاطس و نقسمها على 2 و نشرملها بنفس الشرمولة لي شرملنا بها فروج
نضع الفروج المحشو و البطاطس في المول و نغطيه جيدا ثم ندخله للفرن متوسط الحرارة
من يعراق و يطلق مرق ديالو نصفوها و نذهنوه بها مرة مرة حتى يطيب و يتحمر
مكنديروش الماء هو كيطلق المرقة ديالو